Rropateni
më kot, të nderuar, nënqeshte Profi, për sa kohë s’mund të skiconi as shkarazi
ca gjëra tejet të thjeshta, si puna e vdekjes. Apo as vdekja s’është me aq e
thjeshtë sa ç’ishte në fëmininë time?! Kishin kaluar tashmë tri orë nga ato
ballkaniket dhe askund mbi mur nuk shquhej ndonjë gjurmë vdekjeje. Por as
ndonjë jete e denjë për kurreshtje nuk dukej. Përndryshe, qe një ditë mjaft e
ngarkuar. Në vetëm 24 orë njerëzimi festonte Ditën botërore dhe / ose
ndërkombëtare të: Teatrit të kukullave, Fëmijëve të rrugës, Sindromës
Down, Luftës për çrrënjosjen e racizmit, Luftës për luftimin e pagjumësisë dhe Poezisë.
Ndërkaq, disa prej tyre ia kishin ndryshuar Profit nofkën dhe fshehtas e quanin
Star (nga Kujdestar).
- Të
pëlqen, o Staro, - e pyeti njëri.
Pa u
bezdisur nga ai llagap përqeshës, Profi ndreqi syzet dhe kundroi murin.
- Po
më the edhe se ç’ke dashur të thuash... Libri i plotë në Bukinist
* Shkurtim i
shprehjeve lot of love, por dhe lots of laughs.